「心理學家」（近鏡）上月尾配薛寶力贏大閘，表現出色。

　　告達理向來戰意鮮明，旗下有狀態之實力馬必會把握機會盡拼；今日賽前有消息傳出，指列陣頭場的「心理學家」有力先拔頭籌。此駒上季尾已漸見成熟，曾在田草1200米僅敗於超級馬「飲食之星」蹄下獲亞，可見實力不弱。

　　最強對手勝飛

　　「心理學家」唞暑後重新操練，期間更曾配薛寶力贏大閘，足證狀態呈勇。昨朝大告在馬房內替牠踱步及教閘，反映練者心中有馬，今次抽六檔跑四班1200米形勢不差，穩膽之選。最強對手是「勝飛」，此駒埋門試閘有追勁，縱使排檔欠佳也要吼實。「開心陶寶」路合檔佳，韋達唔放手必拼。

　　另一方面，葉楚航馬房今日派出多匹實力馬列陣，信心最大是第五場的「火龍寶」；此駒潛質未盡露，上季贏田草1600米的過程輕鬆，今次升上四班跑同程，負磅減輕好跑外，韋達亦一早向廐主索騎，不妨放心捧場。

　　至於徐廐「靚橙」有班底，據消息指出，近期課課不時由徐雨石親力親為，試大閘亦有好走勢，今次配上未開齋的歐道樂必有鬥志，值得特別留意。

    (雷勁論戰)